SMS Center Jasa Raharja

Pinaka cihna nincapang pelayanan lan penyenaran informasi, Jasa Raharja cabang Bali pinaka badan usaha milik negara, sane nuenang tugas micayang perlindungan lan jaminan majeng ring korban kecelakaan, pihaknyane mewali ngewewehin pelayanan, inggih punika kemargiangnyane SMS center Jasa Raharja. Pinaka badan usaha milik negara sane nuenang tugas pokok micayang kewentenan sane trepti lan jaminan majeng ring korban kecelakaan angkutan penumpang umum darat, laut lan udara. Manut undang-undang nomor tigang dasa tiga lan undang-undang nomor tigang dasa pat warsa siu sangang atus nem dasa pat, antuk nguratiang penglimbak teknologi informasi. Antuk punika manajemen Jasa Raharja mewali ngewewehin pelayanan informasi majeng ring konsumen, antuk ngawigunayang sarana pelayanan short message servise, utawi SMS center Jasa Raharja. Layanan SMS center punikimatetujon sumangdane warga nenten meweh rikala molihang orti indik pelayanan Jasa Raharja, sane utama majeng ring warga korban tabrakan ring margi, rikala ngurusang santunan, manut kepala PT. Jasa Raharja, persero cabang Bali, djoko sutomo nguningayang, keberlakuangnyane pelayanan SMS center Jasa Raharja puniki, keaptiang presida ngewantu warga pacang molihang orti lan layanan Jasa Raharja. Siosan punika, kepala bagian pelayanan klaim Jasa Raharja, Thomas Roostrianto ngangken, keberlakuangnyane layanan SMS center gratis puniki pinaka lanturan saking layanan jemput bola sane sampun kemargiang. Kebrelkakuangnyanje layanan SMS center Jasa Raharja puniki, sampun kemargiang saking warsa kalih tali sia, ring makesami wewidangan Indonesia. Mejalaran antuk layanan SMS center puniki, warga kekantenang presida molihang orti indik pelayanan ring PT. Jasa Raharja. Tuty Merathini, dewata tv
sumber : http://dewatatv.tv/sms-center-jasa-raharja-2